تركمن جم خوش گلدينگز
آتامينگ
ساعت ۱:۳٠ ‎ب.ظ روز ۱۳۸٦/۸/٢٩  

آلتميش‌ ياشدا، نوروز گوني‌، لوو ييلي‌
توردي‌، اجل‌ يولون‌ توسدي‌ آتامينگ‌
بو دنيانينگ‌ ايشي‌ بيله‌ميش‌ بللي‌
عمري‌نينگ‌ ط‌نابين‌ كسدي‌ آتامينگ‌
آغير دولت‌لره‌ كونگول‌ قويمادي‌
بو جهانينگ‌ عشرتيني‌ سويمه‌دي‌
اسكي‌ شالدان‌ آرتيق‌ پوشش‌ گيمه‌دي‌
آخرت‌ اويي‌ بولدي‌ قصدي‌ آتامينگ‌
دييردي‌، دنيا دورماز باقي‌ يوق‌
گونديز روزه‌، گيجه‌ بولسا، اوقي‌ يوق‌
منكر بيلمز، مخلص‌لارينگ‌ شكي‌ يوق‌
پيغمبر دوستي‌ دير، دوستي‌ آتامينگ‌
گورمه‌سم‌ سويله‌من‌ اوي‌ بيله‌ چندن‌
مقصدينه‌ يتر ييغلاغان‌ چيندان‌
ياري‌سي‌ ملك‌دن‌، ياري‌سي‌ جيندان‌
مجاورسيز بولماز اوستي‌ آتامينگ‌
نقبا دييرلار، اوچ‌ يوز ارن‌ اوغراشدي‌
چهلتن‌ده‌ آتاما نظ‌ريم‌ دوشدي‌
نجبا بارسام‌، هفت‌تن‌لره‌ قاريشدي‌
ابدال‌لاردير چين‌ پيوستي‌ آتامينگ‌
عالم‌ ايچره‌ آدم‌ قالماز آد گزر
بو سرلاردان‌ جهان‌ خلقي‌ ياد گزر
جاني‌ جنت‌ ايچره‌ گوكده‌ شاد گزر
يرده‌ خوشوقت‌ ياتار پوستي‌ آتامينگ‌
مختومقلي‌ گيزلي‌ سرينگ‌ بار ايچده‌
كامل‌ تاپسانگ‌ قيل‌ قوللوغين‌ هر ايشده‌
محشر گون‌ قايغي‌سيز گيرر بهشته‌
هر كيم‌ چيندان‌ بولسا، دوستي‌ آتامينگ‌

مختوم قلی فراغی