تركمن جم خوش گلدينگز
آدلي‌، يارانلار
ساعت ۱:٥٧ ‎ب.ظ روز ۱۳۸٦/۱٠/٢٦  

 

دفترلر ايچينده‌ بير كتاب‌ گوردوم‌                      "قصص‌الانبيا" آدلي‌ يارانلار!

حضرت‌يوسفني‌ بيان‌ ايلارلي‌                                  قصه‌سي‌ شكردن‌ داتلي‌ يارانلار

رنج‌ عظ‌يم‌،راحتي‌ كوپ‌، شيله‌ بيل‌                    سوزلري‌ حديث‌دير،آيتي‌ دليل‌

بني‌ اسحاق‌ ابن‌ ابراهيم‌ خليل‌                           يالاوونچ‌ اوروغي‌ ذاتلي‌،يارانلار

اون‌ ايكي‌ اوغلي‌ بار،آلتي‌سي‌ خاتين‌                  خبر سورسانگ‌، بودور بو اصل‌ذاتين‌

الله‌دان‌ تانگري‌نينگ‌ اول‌ معجزاتين‌                      يعقوبني‌ نابينا اتدي‌، يارانلار!

يدي‌ ياشدا گوردي‌ يوسف‌ بو دويشي‌                     يارانلار،تعجب‌ الله‌نينگ‌ ايشي‌

شمعون‌، روبيل‌ آتلي‌ اون‌دور قارداشي‌                      يوسفني‌ بير چاها آتدي‌، يارانلار

بير بوريني‌ توتوپ‌ باغلاپ‌ گلديلر                "يوسف‌ جاني‌ بوري‌ اييدي‌" دييديلر

حضرت‌ يعقوب‌ بير دعا قيلديلار                         بوري‌ اوز حاليني‌ آيتدي‌، يارانلار!

بير بالام‌ بار، ييتيريپ‌ من‌ يانيمدان‌                  اوچ‌ گون‌ بولدي‌، ايستاپ‌ تاپمان‌ ياباندان‌

ديله‌گينگ‌ قبول‌دير سنينگ‌ سبحاندان‌                  دعا قيل‌ دييپ‌ اميد اتدي‌، يارانلار!

يوسفني‌ سالديلار ته‌ زمينه‌                                                              آنينگ‌ داغي‌، كونگلي‌ بولدي‌ كمينه‌

حق‌ امر اتدي‌ اول‌ جبراييل‌ امينه‌                                   بير دمده‌ يوسفني‌ ناتدي‌، يارانلار!

چاه‌ ايچينده‌ ياتدي‌ اوچ‌ گيجه‌-گونديز                  حضرتي‌ جبراييل‌ ساقلادي‌ تميز

بير آي‌ بيله‌ بير گون‌ اول‌ اون‌ بير ييلديز              يوسف‌گه‌ كوپ‌ تعظ‌يم‌ اتدي‌، يارانلار!

بير كرون‌ گلياردي‌  مصردن‌ شاما                                                               ناگهان‌ گلديلر اوشبو مقاما

بشير، بشر آتلي‌ ايكي‌ غلاما                                         كتدن‌ قاوالارين‌ تارتدي‌، يارانلار!

قووالارين‌ چيقارديلار داشينا                          يوسف‌ چيقدي‌ آي‌دك‌ بولوپ‌ نشانه‌

يوز مونگ‌ شكر قيلدي‌ اول‌ دم‌ سبحانه‌                          قوللار ايمان‌ عرضين‌ اتدي‌، يارانلار!

الله‌نينگ‌ امرينه‌ سونوپ‌ بوينوني‌                         بگ‌لر، گورونگ‌، بو شوم‌ فلك‌ اوينوني‌

حضرت‌ يعقوب‌نينگ‌ نور عينيني‌                                     قوللار خوجه‌سيغا التدي‌، يارانلار!

مالك‌ تجار آليپ‌ باردي‌ كنعانا                                             خبر تاپدي‌ باقي‌ اون‌ دورت‌ ديوانا

يوسف‌: "صديق‌ قول‌ من‌" دييدي‌ مردانا                        اون‌ سكيز يارماقغا ساتدي‌، يارانلار!

پادشانينگ‌ آدي‌ ريان‌ مالك‌دي‌                          وزيري‌نينگ‌ آدي‌ عزيز گرك‌دي‌

آلار بولدي‌ ـ زليخاغا درك‌دي‌                                                      مالك‌تجار آنگا ساتدي‌، يارانلار!

دلا ل‌لار ييغيليپ‌، بها قويدولار:                                 "بويي‌ دنگي‌ آلتين‌-كوموش‌" دييديلر

لعل‌ و جواهردان‌ آنچا اويدولار                                    "حالم‌ بولسا ارزان‌!" آيتدي‌، يارانلار!

شهر اورتاسيندا بير تخت‌ قوردولار                                  يوسف‌: "صديق‌ قول‌ من‌" ديييپ‌ دوردولار

قيمت‌ قويوپ‌، زليخاغا برديلر                                                              آخر مرادينا يتدي‌، يارانلار!

عاشق‌ بولدي‌ ار يوسف‌نينگ‌ گوركونه‌                       سالديلار يدي‌ قات‌ يرينگ‌ بركينه‌

آلتي‌ خاتين‌ غويماديلار اركينه‌                                          يوسف‌ هم‌ آلارغا ناتدي‌، يارانلار؟!

خاتين‌لار مكريدن‌ قاچدي‌، غوتولدي‌                               اته‌گين‌ كسديلر، داشدا توتولدي‌

نيچه‌ ييللار زندان‌ ايچره‌ ياتيلدي‌                                      يوسف‌دن‌ تمامي‌ اوتدي‌، يارانلار!

يوسف‌ صديق‌ ياتير زندان‌ ايچينده‌                                              پادشا بير معجز گوردي‌ دويشونده‌

منجم‌لر باري‌ اويشوپ‌ غاشيندا                                       هر قايسي‌ بير تعبير آيتدي‌، يارانلار!

القصه‌، بو تعبير يوسف‌گه‌ يتدي‌                              يوسف‌ هم‌ اول‌ دويشونگ‌ بيانين‌ اتدي‌

عبرت‌ آليپ‌، پادشا راييندان‌ قايتدي‌                                                تمامين‌ مسلمان‌ اتدي‌ يارانلار!

يوسف‌ تختا مونوپ‌، پادشا بولدولار                                                    تمام‌ مصر خلقين‌ ساتين‌ آلديلار

آقالاري‌ گليپ‌، تعظ‌يم‌ قيلديلار                                                      كل‌  گناه‌لرين‌ اوتدي‌، يارانلار!

 

                                                         مختو قلي فراغي