تركمن جم خوش گلدينگز
آدم‌ آتا بيلن‌ دوشدي
ساعت ۳:٤۱ ‎ب.ظ روز ۱۳۸٦/۱۱/۱  

 

                                                                                                                                                                 آزادي‌:

ـ شيط‌انينگ‌ قايسي‌ اوغلودير          آدم‌ آتا بيلن‌ دوشدي‌؟!
حقينگ‌ رسولي‌ ـ پيغمبر              خيبردا ناچه‌ اوروشدي‌؟!
                                                                   مختومقلي‌:
ـ شيط‌انينگ‌ خناس‌ اوغلودير          آدم‌ آتا بيلن‌ دوشدي‌
خيبر داغيندا پيغمبر             چون‌ يدي‌ آيلاپ‌ اوروشدي‌
                                                                        آزادي‌:
ـ حاضر ايه‌سي‌ دلدلينگ‌           بيلرمي‌ سن‌، كيمدير، بيلينگ‌!
قايسي‌ گون‌ قابيل‌ هابيلينگ‌         اولدوريپ‌، قانيني‌ ايچدي‌؟!
                                                                    مختومقلي‌:
ـ حاضر ايه‌سي‌ دلدلينگ‌          ملك‌ فرشته‌دير بيلينگ‌!
شنبه‌ گوني‌ قابيل‌ هابيلينگ‌           اولدوريپ‌، قانيني‌ ايچدي‌
                                                                      آزادي‌:
ـ نه‌دير، قالقيپ‌، هوا اوچدي‌          ناسيندن‌ زمينه‌ دوشدي‌؟
نيچه‌ گونده‌ نوحونگ‌ كشتي‌            جنود داغينا يتيشدي‌؟
                                                                       مختومقلي‌:
ـ دريا قالقيپ‌، هوا اوچدي‌         كوپوگيندن‌ يره‌ دوشدي‌
يتميش‌ گونده‌ نوحونگ‌ كشتي‌         جنود داغينا يتيشدي‌
                                                                 آزادي‌:
ـ روم‌ شهرينينگ‌ سرداري‌         نيرده‌ سالديرميش‌ گلزاري‌؟
قايسي‌ قلعه‌نينگ‌ ديواري‌             محمدله‌ معراج‌ آشدي‌؟!
                                                                مختومقلي‌:
ـ شداد رومونگ‌ سرداري‌        شامدا سالديرميش‌ گلزاري‌
مقدس‌ شهرينگ‌ ديواري‌          محمدله‌ معراج‌ آشدي‌
                                                             آزادي‌: 
ـ آزادي‌ آيدادير، يتميش‌         نه‌دير بو دنياني‌ توتموش‌؟
قايسي‌ پيغمبردير ييتميش‌       نيرده‌ قارداشينا دوشدي‌؟!
                                                                 مختومقلي‌:
ـ مختومقلي‌ آيدار، يتميش‌          اقليمدير دنياني‌ توتموش‌
يوسف‌ پيغمبردير ييتميش‌       مصرده‌ قارداشي‌ دوشدي‌

                                                                                                                                                                                              مختو قلي فراغي