آخر زمان‌ بولار

اي‌ يارانلار، مسلمانلار

بير گون‌ آخرزمان‌ بولار

اولندن‌ اونگ‌ كوپ‌ نشانلار

يرينگ‌ يوزونده‌ كان‌ بولار

عدالتسيز بولار خانلار

بيحيا بولار زنانلار

كوپ‌ دوكولر ناحق‌ قانلار

ايلينگ‌ پالي‌ يامان‌ بولار

فساد ايش‌ كوپ‌بولار،آزبولماز

بو اوي‌ اول‌ اويه‌ ساز بولماز

ياغميرلار ياغار، ياز بولماز

بير گون‌ باد خزان‌ بولار

حيله‌ ايلار، تاپار يوللار

سودخورلوقدان‌ ييغار ماللار

دين‌ يولوني‌ تاشلاپ‌ ايللر

نه‌ مكتب‌، نه‌ آذان‌ بولار

نماز قويار، سوزلار يالان‌

آتا انا عاصي‌ بولان‌

چاقير ايچيپ‌، زنا قيلان‌

عذابي‌ مونگ‌ الوان‌ بولار

الين‌ توت‌ تانگري‌ دوستونينگ‌

عاصي‌ بولما، ساقلا دينينگ‌

انشاالله‌، مختومقلي‌نينگ‌

دين‌ يولداشي‌ ايمان‌ بولار

مختوم قلي فراغي

/ 1 نظر / 14 بازدید
عيدي وكيلي

توركمن جم عسلويه.بيزي لايق بيليپ وبلاگ ينگيزدا جاي آچانئنگئز اوچين كؤپ ساغ بولونگ ومنتداليق بيلديريأرين .سانگا وبوتين تورك وتوركمن لره اوزاق ياشايئش آرزواديأرين. ايكي آتالار ناقيل: صوفي آزسا مازار گزر ـ ملا آزسا بازار گزر. هربير آدام بيگلمأگه حاقلي دئر.يؤنه بيگلن سونگ حالق اوني گؤرمك اوچين دألده ايسم اول حاقي گؤرمك اوچين دير. ـــــــــــــــ سنينگ وبلاگ ينگا ساوغاد.ـــــــــــ آرا غاتناشيق بولوپ دورسون وتوركمن ادبيات بارادا سوراغينگ باربولسا اليميزدن گلديگي چه غوللوقدا بولاريس.